Bu, JTI şirkəti üçün nə deməkdir?
Maraqların toqquşması işçiləri JTI şirkətinin marağına uyğun olmayan qərarlar verməyə sövq etməklə yanaşı həm şirkətin, həm də özlərinin nüfuzuna mənfi təsir edə bilər.
Maraqların toqquşmasına yol verilməməsi
Biz işçilərdən onların şəxsi maraqlarının JTI şirkətinin maraqları ilə toqquşduğu hər hansı vəziyyətə yol verməməyi gözləyirik.
Bu, bir işçi kimi mənim üçün nə deməkdir?
Mən maraqların toqquşduğu vəziyyətlərdən yayınıram.
Mən şəxsi maraqlarımın JTI şirkətinin adından verdiyim qərarlara təsir etməsinə imkan vermirəm. Mən iş yerində qərarlarıma təsir edə bilən bütün ailə və ya şəxsi münasibətlərimi açıqlayıram.
Mən işdən kənarda JTI şirkətinin işgüzar maraqlarını pozan və ya onlara rəqabət yaradan heç bir fəaliyyətlə məşğul olmuram.
Mən hədiyyələr, qonaqpərvərlik və ya əyləncə mübadiləsi zamanı yarana biləcək maraqların toqquşma hallarını da nəzərə alıram.
Maraqların toqquşması qaçılmaz olduqda, özümü və JTI şirkətini qorumaq üçün dərhal onu açıqlayıram.
Bir menecer kimi komandamın hə hansı bir üzvü tərəfindən açıqlanan maraqların toqquşması hallarını insan resursları və daxili nəzarət qruplarının dəstəyi ilə aradan qaldırmaq mənim vəzifəmdir.
Bu, bizim biznes tərəfdaşlarımız üçün nə deməkdir?
Biznes tərəfdaşlar maraqların toqquşması ilə nəticələnə bilən heç bir vəziyyətə yol verməməlidir. JTI şirkətinin maraqları ilə hər hansı mümkün toqquşma halları onebehavior@jti.com elektron poçtu vasitəsilə bildirilməlidir.
Bu, hansı vəziyyətlərə şamil edilir?
Aşağıda maraqların mümkün toqquşma hallarının bir neçə nümunəsi təqdim olunur:
- Qardaşım JTI şirkətində mənim də qərarımdan asılı olaraq seçilən bir iş üçün müraciət edir.
- Təchizatçı JTI şirkətində elan olunan və mənim də təsdiqimdən asılı olan tenderdə iştirak edir və mənə lüks kurort oteldə bütün xərcləri ödənilən həftəsonu istirahət təklif edir.
- Mən bir qədər əlavə gəlir qazanmaq məqsədilə tütün sənayesində texnoloji üsulların üzərində işləyən yeni müəssisədə iş saatlarımdan kənarda araşdırma aparmaq üçün müqavilə imzalamışam.
Daha çox öyrən
Sizin birbaşa meneceriniz
Sizin İR üzrə biznes tərəfdaşınızı
Daxili nəzarət qrupunun üzvü
