Biznes etikamız

Şirkət aktivlərinin qorunması

JTII şirkətinin aktivləri biznes məqsədlərimizə nail olunmasına kömək etmək baxımından böyük əhəmiyyət kəsb edir. Biz JTI şirkətinin və digər şirkətlərin aktivlərinə məsuliyyətlə və hörmətlə yanaşırıq. Biz təminat veririk ki, şirkətimizin aktivləri düzgün şəkildə əldə edilir, yaxşı vəziyyətdə saxlanılır, mühafizə edilir və satılır.

Bu, JTI şirkəti üçün nə deməkdir?

Şirkətin aktivlərinə mexanizmlər və avadanlıqlar, İT cihazları, məhsullar və istehsalat materialları, əqli mülkiyyət (ƏM) və Şirkət məlumatları daxildir.

Şirkət aktivlərinin təyinatdan kənar istifadəsi, yoxluğu və ya funksionallığının pozulması biznes fəaliyyətimizi poza, maliyyə itkiləri və işgüzar nüfuza xələl gətirilməsi ilə nəticələnə bilər.

Bizim əqli mülkiyyətimiz xüsusilə dəyərlidir, çünki o, bizə məhsullarımızı və xidmətlərimizi fərqləndirməyə və rəqabət üstünlüyümüzü qoruyub saxlamağa kömək edir. Şirkətdə çalışdıqları müddətdə işçilər tərəfindən JTI şirkəti üçün işlənib-hazırlanmış bütün ixtiralar, ideyalar və konsepsiyalar Şirkətə məxsusdur və fərdi qaydada satılıb-alına bilməz.

Bu, bir işçi kimi mənim üçün nə deməkdir?

Mənə həvalə edilən Şirkət aktivlərini oğurluq, təyinatdan kənar istifadə və israfçılıqdan qorumalıyam.

Mən Şirkət aktivlərini JTI şirkətinin siyasətlərinə və prosedurlarına uyğun olaraq istifadə edirəm və onları şəxsi mənfəətim üçün istifadə etmirəm. Mən Şirkət aktivlərini, o cümlədən əqli mülkiyyəti əvvəlcədən icazə almadan üçüncü tərəflə ötürmürəm. Mən heç vaxt lazımi lisenziya və ya icazə olmadan üçüncü tərəfin aktivlərini və ya əqli mülkiyyətini qanunsuz şəkildə əldə etmirəm və ya istifadə etmirəm.

Həmişə Şirkətin rəqəmsal məlumatlarını yerləşdirmək və ya qoruyub saxlamaq üçün təchizatçı ilə müqavilə bağlanmasını nəzərdən keçirdikdə, İT qrupunu bu işlərə cəlb edirəm. Bu, onlara məlumatlarımızın təhlükəsizliyini təmin etmək imkanını verəcəkdir.

Mən JTI şirkətinin rəqəmsal məlumatlarının dəyərini və həssaslığını başa düşür, oğurluq və ya itki riskini minimuma endirmək üçün i-təhlükəsizlik koduna əməl edirəm.

İT resursunun düzgün istifadəsinə dair şübhəm varsa, dəstək üçün Qlobal texniki dəstək məntəqəsinə (QTDM) müraciət edirəm. Mən etdiyim səhvləri dərhal bildirirəm.

İ-təhlükəsizlik kodunun əsas prinsiplərini yadda saxlayın:

  • Mən onlayn əmlakımı qoruyuram.
  • “Click” seçməzdən əvvəl düşünürəm.
  • Mən məlumatları təhlükəsiz şəkildə bölüşürəm.
  • Suallarınız olduqda, İT qrupunun və QTDM-nin ekspertinə müraciət edin və ya information.security@JTI.com elektron poçtuna yazın.

Daha çox öyrən