Адал тәсіліміз

Корпоративтік активтерді қорғау

JTІ активтері бизнестегі мақсаттарымызға жету үшін орасан зор мәнге ие. Біз JTІ компаниясы мен басқа иеленушілердің активтеріне жауапты және ұқыпты қараймыз. Біз компаниямыздың активтерін тиісінше сатып алу, ұстау, сақтау және иеліктен шығару үшін барлық шараларды қолданамыз.

Бұл JTI үшін нені білдіреді?

Корпоративтік активтер машиналар мен жабдықтарды, АТ құрылғыларды, өнімдер мен өндірістік материалдарды, зияткерлік меншікті және корпоративтік деректерді қамтиды.

Корпоративтік активтерді тиісінше пайдаланбау, олардың жұмысқа дайын болмауы немесе жарамсыз болуы бизнесімізге нұқсан келтіруі, қаржылық шығындарға себеп болуы және абырой-беделімізді түсіруі мүмкін.

Зияткерлік меншігіміз ерекше құндылыққа ие, себебі ол бізге өнімдеріміз бен қызметтерімізді саралап жіктеуге және бәсекелестік артықшылығымызды сақтауға көмектеседі. Қызметкерлеріміз Компанияда жұмыс істеген кезеңде JTI үшін әзірлеген барлық өнертабыстар, ұсыныстар және жобалар JTI меншігі болып табылады, сондықтан оларды жеке тәртіппен сатуға болмайды.

Бұл мен үшін қызметкер ретінде нені білдіреді?

Мен өзіме сеніп тапсырылған корпоративтік активтерді қорғауға, олардың ұрлануына, тиісінше қолданылмауына және жоғалуына жол бермеуге міндеттімін.

Мен корпоративтік активтерді JTI саясаттары мен процедураларына сәйкес қолданамын, оларды жеке пайда табу үшін қолданбаймын. Мен зияткерлік меншікті қоса алғанда, корпоративтік активтерді үшінші тұлғаларға алдын ала рұқсатсыз бермеймін. Мен бөгде активтерді немесе бөгде зияткерлік меншікті ешқашан заңсыз жолмен, тиісті лицензиясыз немесе рұқсатсыз сатып алмаймын және қолданбаймын.

Жеткізушімен цифрлық корпоративтік деректерді сақтау немесе хостинг шартын жасасу туралы мәселені қарастырғанда деректеріміздің қауіпсіздігін қамтамасыз ету үшін АТ бөлімшесін қатыстырамын.

JTI цифрлық деректерінің құндылығы мен осалдығын түсінетіндіктен деректердің ұрлану немесе жоғалу қаупін барынша азайту үшін ақпараттық қауіпсіздік ережелерін сақтаймын.

АТ ресурстардың тиісінше қолданылғанына күдіктенсем, Жаһандық қолдау қызметінен ақыл-кеңес аламын. Қате жіберсем, бұл туралы дереу хабарлаймын.

Ақпараттық қауіпсіздік ережелерінің негізгі қағидаттарын ұмытпаңыз:

  • Өзімнің интерактивті мүлкіме ұқыпты қараймын
  • Басу алдында ойланамын
  • Деректерді қауіпсіз түрде беремін
  • Сұрақтар туындаған жағдайда маманға, яғни жергілікті АТ бөлімшесіне, Жаһандық қолдау қызметіне немесе information.security@JTI.com мекенжайына хабарласамын.

Көбірек біліңіз