តើនេះមានន័យដូចម្តេចសម្រាប់ JTI?

ទណ្ឌកម្មសេដ្ឋកិច្ច និងការគ្រប់គ្រងការនាំចេញ អាចរឹតត្បិត ឬហាមឃាត់ការធ្វើទំនាក់ទំនងអាជីវកម្មជាមួយបុគ្គល គ្រឹះស្ថាន ឬប្រទេសជាក់លាក់មួយចំនួន។ ទណ្ឌកម្មសេដ្ឋកិច្ច និងការគ្រប់គ្រងការនាំចេញ ក៏អាចរឹតត្បិត ឬហាមឃាត់ការនាំចេញ ឬនាំចូលនៃទំនិញ ឬសេវាកម្មជាក់លាក់មួយចំនួនផងដែរ។ ការពិន័យសម្រាប់ការមិនអនុលោមតាមទណ្ឌកម្មសេដ្ឋកិច្ច និងការគ្រប់គ្រងការនាំចេញ ទោះបីជាដោយអចេតនាក្តី អាចមានលក្ខណៈធ្ងន់ធ្ងរសម្រាប់ JTI និងបុគ្គលិករបស់ខ្លួន។

ពួកយើងមានគោលការណ៍ និងនីតិវិធីសម្រាប់ជួយធានាថា គ្មានអាជីវកម្មណាមួយ ឬបុគ្គលិកណាម្នាក់របស់ពួកយើង ជាប់ពាក់ព័ន្ធនឹងប្រតិបត្តិការដែលបានហាមឃាត់ទេ។

តើនេះមានន័យដូចម្តេចសម្រាប់រូបខ្ញុំ ក្នុងនាមជាបុគ្គលិក?

ខ្ញុំមានទំនួលខុសត្រូវក្នុងការស្វែងយល់ និងអនុលោមតាមគោលការណ៍ស្តីពីទណ្ឌកម្មសេដ្ឋកិច្ចជាសកលរបស់ JTI និងអនុលោមតាមទណ្ឌកម្ម និងការគ្រប់គ្រងការនាំចេញទាំងអស់ ដែលមានវិសាលភាពចំពោះខ្ញុំ ឬចំពោះ JTI ដែលខ្ញុំធ្វើការឲ្យ។

សម្រាប់ប្រតិបត្តិការអាជីវកម្មពាក់ព័ន្ធនឹងប្រទេសរងទណ្ឌកម្ម និងប្រទេស ឬផលិតផល ឬសេវាកម្ម ដែលមានហានិភ័យខ្ពស់ ខ្ញុំស្នើសុំការអនុញ្ញាតជាលាយលក្ខណ៍អក្សរពីប្រធានទីប្រឹក្សាច្បាប់ប្រចាំតំបន់ ទីប្រឹក្សាច្បាប់ប្រចាំមូលដ្ឋាន ឬ មន្រ្តីទទួលបន្ទុកផ្នែកទណ្ឌកម្ម។

ប្រសិនបើខ្ញុំមានការព្រួយបារម្ភពីពីហានិភ័យទណ្ឌកម្ម ឬការគ្រប់គ្រងការនាំចេញដែលអាចកើតមានឡើង ខ្ញុំនឹងរាយការណ៍ភ្លាមៗទៅកាន់ប្រធានទីប្រឹក្សាច្បាប់ប្រចាំតំបន់ ទីប្រឹក្សាច្បាប់ប្រចាំមូលដ្ឋាន ឬ មន្ត្រីទទួលបន្ទុកផ្នែកទណ្ឌកម្ម។

តើនេះមានន័យដូចម្តេចសម្រាប់ដៃគូអាជីវកម្មរបស់ពួកយើង?

ពួកយើងរំពឹងថាដៃគូអាជីវកម្មរបស់ពួកយើង អនុលោមតាមទណ្ឌកម្ម និងការគ្រប់គ្រងការនាំចេញដែលមានជាធរមាន និងបទដ្ឋានអ្នកផ្គង់ផ្គង់របស់ JTI។