რას ნიშნავს ეს JTI-ისთვის?

ბიზნესპარტნიორებად მოვიაზრებთ როგორც სავაჭრო პარტნიორებს, ასევე მომწოდებლებს, თამბაქოს ნედლეულის მწარმოებლებსა და გამყიდველებს, დისტრიბუტორებსა და ნებისმიერ სხვა პირს, ვისთანაც სავაჭრო ურთიერთობა გვაქვს.

ყველა მომწოდებელს მოეთხოვება დაიცვას JTI-ის მომწოდებლის სტანდარტები, რისთვისაც ისინი გადიან ჩვენს შიდა სავალდებულო სერტიფიციერების პროცესს.

JTI-ის შემუშავებული აქვს პროგრამა აგრო მიმართულებით (‘ALP’), რომლის მიზანია გააუმჯობესოს სამუშაო პრაქტიკა თამბაქოს ნედლეულის მწარმოებლებსა და გამყიდველებში. პროგრამა მოიცავს ისეთ საკითხებს, როგორიცაა შრომითი უფლებები, ჯანდაცვა და უსაფრთხოება სამუშაო ადგილზე და ბავშვების ექსპლუატაცია.

ჩვენ საფუძვლიანად ვამოწმებთ ყველა ბიზნესპარტნიორს, ვისაც რამე ეტაპზე შეხება აქვს ჩვენს პროდუქციასთან, იმისათვის, რომ დავრწმუნდეთ, რომ მათ აქვთ კარგი რეპუტაცია.

რას ნიშნავს ეს ჩემთვის, როგორც თანამშრომლისთვის?

მე მხარს ვუჭერ JTI-ის უმაღლესი სტანდარტების შენარჩუნებას ჩვენი მიწოდების ქსელში. ამისათვის ბიზნესპარტნიორებთან ვინარჩუნებ კარგ და სტაბილურ ურთიერთობას, რომელიც ეფუძნება ურთიერთპატივისცემას და მკაფიოდ ჩამოყალიბებულ ურთიერთვალდებულებებს.

რას ნიშნავს ეს ჩვენი ბიზნესპარტნიორებისთვის?

ჩვენი ბიზნესპარტნიორებისგან ველით, რომ ისინი პატივს სცემენ კანონს, მხარს დაუჭერენ ეთიკურ ბიზნესპრაქტიკას და დაიცავენ ჩვენს სტანდარტებს.
თამბაქოს ნედლეულის მწარმოებლებს და მომწოდებლებს მოეთხოვებათ დაიცვან JTI-ის აგრო სამუშაო პრაქტიკა (‘ALP’), ამასთან, JTI მხარს დაუჭერს მათ ამ პროგრამების განხორციელებაში.