Адал тәсіліміз

Экономикалық санкциялар мен экспорттық бақылау шараларын сақтау

Біз қолданыстағы экономикалық санкцияларды және экспорттық бақылау шараларын қатаң түрде орындаймыз.

Бұл JTI үшін нені білдіреді?

Экономикалық санкциялар және экспорттық бақылау шаралары бизнесті белгілі тұлғалармен, ұйымдармен және елдермен жүргізуді, сондай-ақ белгілі тауарлар мен қызметтердің экспортын немесе импортын шектеуі немесе оларға тыйым салуы мүмкін. Санкцияларды және экспорттық бақылау шараларын бұзғаны (соның ішінде абайсызда бұзғаны) үшін Компания да, оның қызметкерлері де ауыр жазаға тартылуы мүмкін.

JTI компаниясында кәсіпорындарымыздың немесе қызметкерлеріміздің тыйым салынған мәмілелерге қатысу мүмкіндігіне жол бермеуге арналған процедуралар мен саясаттар қолданылады.

Бұл мен үшін қызметкер ретінде нені білдіреді?

Мен JTI компаниясының экономикалық санкцияларға қатысты Жаһандық саясатымен танысып шығуға және оны ұстануға, сондай-ақ маған немесе мен жұмыс істейтін JTI құрамындағы заңды тұлғаға қолданылатын экспорттық бақылау шаралары мен санкциялардың барлығын да ұстануға міндеттімін.

Эмбарго ықпалындағы немесе тәуекелдердің жоғары деңгейімен ерекшеленетін елдердің, өнімдердің немесе қызметтердің қатысуымен коммерциялық мәмілелер жасамас бұрын өңірлік немесе жергілікті кеңесші заңгердің немесе санкциялар жөніндегі директордың тиісті жазбаша рұқсатын алуға тиіспін.

Санкциялардың немесе экспорттық бақылау шараларының бұзылғаны жөнінде күмән туындаса, бұл туралы өңірлік немесе жергілікті кеңесші заңгерге немесе санкциялар жөніндегі директорға дереу хабарлауға тиіспін.

Бұл іскерлік серіктестеріміз үшін нені білдіреді?

Іскерлік серіктестеріміз қолданыстағы санкциялар мен экспорттық бақылау шараларының барлығын, сондай-ақ JTI Жеткізушілер стандарттарын ұстанатынына сенеміз.

Мұны қандай жағдайларда қолдануға болады

Төменде экономикалық санкциялардың бұзылу қаупі төнуі мүмкін жағдай мысалдары келтірілген.

  • АҚШ азаматы немесе АҚШ-та тұруға ықтиярхаты бар тұлға ретінде Коммерциялық шешімдерді бекіту процедурасының шеңберінде маған АҚШ тарапынан эмбарго қолданылатын елге байланысты жобаны келісу тапсырылды.
  • АҚШ тарапынан эмбарго қолданылатын елге жеткізу үшін АҚШ долларымен ақша төлемекшімін.
  • Қос мақсаттағы лазерлік қондырғыны JTI фабрикасына жібермекшімін, бірақ бұл үшін экспорттық лицензияның керек не керек емес екенін білмеймін.

Көбірек біліңіз