Մեր արտադրանքը

Համագործակցություն բիզնես գործընկերների հետ

Մեր բիզնես գործընկերները կարևոր դերակատարություն ունեն մեր հաջողության գործում։ Մենք հարաբերություններ ենք հաստատում այնպիսի գործընկերների հետ, ովքեր հետևում են օրենքներին և կարգավորումներին, պահպանում են բիզնեսի էթիկայի կանոնները, առողջության և անվտանգության պահանջները, հետևում մարդու իրավունքներին ու աշխատանքային չափանիշներին և պատասխանատու են շրջակա միջավայրի նկատմամբ։

Ի՞նչ է սա նշանակում Ջեյ Թի Այ-ի համար։

Բիզնես գործընկեր ասելով հասկանում ենք մեր սպառողներին, մատակարարներին, ծխախոտային հումք աճեցնողներին, դիստրիբյուտորներին և բոլոր այն կողմերին, ում հետ մենք ունենք առևտրային հարաբերություններ։
Մեր բիզնես գործընկերներից ցանկացած մեկի անբարեխիղճ վարքը կարող է ազդել մեր հեղինակության վրա։
Մենք ձգտում ենք աշխատել այնպիսի գործընկերներին հետ, ովքեր հանձնառու են պահպանելու մեր կողմից սահմանված էթիկական չափանիշները։
Բոլոր մատակարարների համար պարտադիր է համապատասխանությունը Ջեյ Թի Այ-ի՝ Մատակարարների համար սահմանված չափանիշներին։
Ջեյ Թի Այ-ի՝ Գյուղատնտեսական աշխատանքի իրականացմանն առնչվող կանոնները չափանիշներ են սահմանում նրանց համար, ովքեր մեզ համար աճեցնում են ծխախոտային հումք և հավաքում են ծխախոտի տերևներ, ներառյալ այն կանոնները, որոնք կապված են աշխատանքի, երեխաների աշխատանքի, առողջության և աշխատավայրում անվտանգության ապահովման հետ:
Մենք պետք է համոզված լինենք, որ բոլոր բիզնես գործընկերներն, ովքեր մեզանից ձեռք են բերում մեր ծխախոտային արտադրանքը, ունեն բարձր հեղինակություն և լավ համբավ։

Ի՞նչ է սա նշանակում ինձ համար, որպես աշխատակից։

Ես աջակցում եմ Ջեյ Թի Այ-ին՝ ապահովելով ընկերության բարձր չափանիշներն ողջ մատակարարման շղթայում։ Սա ենթադրում է կառուցել ամուր հարաբերություններ բիզնես գործընկերների հետ, ունենալ փոխադարձ հարգանք և իրատեսական ակնկալիքներ։

Ի՞նչ է սա նշանակում մեր բիզնես գործընկերների համար։

Մենք ակնկալում ենք մեր բիզնես գործընկերներից հետևել օրենքին, պահպանել գործարար էթիկայի կանոններն ու մեր կողմց սահմանված բարձր չափանիշները:
Ջեյ Թի Այ-ի համար ծխախոտային հումք աճեցնողներն ու ծխախոտի տերևներ հավաքողները պետք է հետևեն Գյուղատնտեսական աշխատանքի իրականացմանն առնչվող կանոններին, ինչի պահպանման գործում Ջեյ Թի Այ-ն առաջարկում է իր աջակցությունը։

Գյուղատնտեսական աշխատանքի իրականացմանն առնչվող կանոնների կիրառումը

Վեգետատիվ շրջանի ընթացքում գյուղատնտեսությամբ զբաղվող փորձագետներից մենկը կանոնավոր կերպով այցելում է ֆերմերներին։ Իր այցերից մեկի ժամանակ նա նկատում է, որ ֆերմերներից մեկն օգտագործում է բույսերի պաշտպանության համար նախատեսված նյութն առանց Ջեյ Թի Այ-ի կողմից տրված անհատական պաշտպանիչ միջոցները կրելու։
Փորձագետը բացատրում է անհատական պաշտպանիչ միջոցների չօգտագործման դեպքում առողջությանն ու անվտանգությանը սպառնացող ռիսկերը։
Նա ֆերմերին հրավիրում է մասնակցելու մեր աջակցությամբ կազմակերպված համապատասխան վերապատրաստման դասընթացին։ Հերթական այցի ժամանակ փորձագետը ուրախ նկատում է, որ ֆերմերն արդեն սկսել է օգտվել անհատական պաշտպանիչ միջոցներից։

Իմացեք ավելին